آتڻ ڍنڍ: هيءَ ڍنڍ قمبر ضلعي جي ديهه ۽ يوسي دوست علي ۾ واقع آهي. هن کي مياڻي ڪڙهه به چوندا آهن. ڪنهن دور ۾ هتي پرڏيهي پکي جام ايندا هئا ۽ سياري ختم ٿيڻ کانپوءِ هليا ويندا هئا. سياري ۾ پکين جو سٺو شڪار ٿيندو هو. پکين جي مسلسل گهٽجي ويو آهي. هن وقت هن ڍنڍ ۾ مڇي کان علاوه قم، ڪويڻون ۽ بهه چڱي تعداد ۾ ٿيندا آهن ۽ مڇي به جهجهي تعداد ۾ مرندي آهي. هي ڍنڍ به فشريز کاتي وارن جي تحويل ۾ آهي ۽ سرڪار لاءِ سٺي آمدني جو ذريعو آهي. انگريز دور ۾ هي ڍنڍ وسيع ايريا ۾ پکڙيل هئي، پر هاڻي ڍنڍ جو گهڻو حصو زرعي آباديءَ ۾ اچي ويو آهي.